Кыргызстан БАЭ менен да туруктуу эл аралык аба каттамдарын жандандырды

Кыргызстан Бириккен Араб Эмираттары менен да туруктуу эл аралык аба каттамдарын жандандырды. Бул тууралуу Жарандык авиация агенттигинин директору Курманбек Акышев брифингде билдирди. Анын айтымында:

-«Авиа Траффик Компани» авиакомпаниясынын учагы Бишкек-Стамбул-Бишкек багыты боюнча жумасына 2 жолу каттайт. Ошондой эле Бишкек-Анталья-Бишкек багыты боюнча жумасына 1 жолу учат.

-«Түрк аба жолдору» авиакомпаниясынын учагы Стамбул-Бишкек-Стамбул багыты боюнча жумасына 2 жолу каттайт;

-«Пегасус Эйрлайнс» авиакомпаниясы Стамбул-Бишкек- Стамбул багыты боюнча жумасына 2 жолу каттам аткарат;

-«ФлайДубай» авиакомпаниясынын учагы Дубай-Бишкек-Дубай багыты боюнча жумасына 1 жолу учат.

Курманбек Акышевдин айтымында, августка чейин 200дөн ашык чартердик аба каттамдары аткарылып, 25 миңден ашуун жаран алынып келинди. Бүгүнкү күнү чартердик каттамдарды аткаруу уланууда.

Ошондой эле  5-июндан тарта Бишкек-Ош-Бишкек маршруту боюнча ички авиакаттамдар кайрадан жандандырылган. Биринчи каттам ушул жылдын 8-июнунда аткарылган, бүгүнкү күндө “Тез жет» авиакомпаниясы көрсөтүлгөн багыт боюнча үзгүлтүксүз негизде каттамдарды аткарып жатат.