Бишкекте дагы жети стационар убактылуу жабылды

Бишкекте кайрылуулардын саны азайгандыктан, жети стационар убактылуу жабылды. Бул тууралуу шаардык мэриянын басма сөз кызматы билдирет.

Алар:

• «Сейтек» мектебиндеги стационар;
• №95 мектептеги стационар;
• №83 мектептеги стационар;
• №81 мектептеги стационар;
• №94 мектептеги стационар;
• «Арал» кафесиндеги стационар;
• Кара-Жыгач жаңы конушундагы «Салтанат» ресторанындагы түнкү стационар.

Жабылган стационарларда бардык медициналык жабдыктар, орундуктар сакталып, дезинфекциядан өткөрүлдү.

«Азырынча калган стационарлар кадимки тартипте иштеп жатат, шаар бийлиги кайрылгандардын динамикасына мониторинг жүргүзүп турмакчы«, — деп айтылат маалыматта.

4-августта күндүзгү стационарларга 964 адам кайрылып, 5-августка караган түнү түнкү стационарларга 173 бейтап кайрылган.