Өзбекстанда вирусту жуктургандардын саны 2046га жетти

Өзбекстанда коронавирусту жуктургандардын саны 2046га жетти. Бул тууралуу Саламаттыкты сактоо министрлигине таянып жергиликтүү басылмалар жазды.

— Өзбекстанда ушул жылдын 1-майына саат 10.00гө карата коронавирустук инфекциянын саны 2046га жетти , — деп айтылат билдирүүдө.

Эске салсак, өлкөдө 1313 адам коронавирустук инфекциядан толук айыгып, 9 адам көз жумган.

Республикалык атайын комиссиянын чечими менен 30-апрель саат 06: 00дөн баштап:

Жарандарга саат 07: 00дөн 10: 00гө чейин, ошондой эле 17: 00дөн 20: 00гө чейин жеке жана кызматтык унаалардын бардык түрлөрү (жүргүнчүлөр менен бирге), анын ичинде велосипеддер жана унаалар үчүн атайын уруксатсыз жүрүүгө уруксат берилди.

Жарандар шаарлардагы жана райондордогу көп кабаттуу имараттардын алдында жана ички короолордо, социалдык аралыкты (аралык 2 метр) жана бет каптарды милдеттүү түрдө кийүү менен, 14 жашка чейинки балдар ата-энелеринин коштоосунда жүрүүгө;

Жогорку окуу жайлардын жана илимий-изилдөө институттарынын жетекчилерине, ошондой эле профессорлорго илимий ишти улантуу үчүн лабораториялык жана башка иш-аракеттерди калыбына келтирүүгө уруксат берилди.