Сулайманов китеп чыгаруучуларды салыктан бошотууну сунуштады

Бүгүн, 11- мартта Жогорку Кеңештин жыйынында депутат Алтынбек Сулайманов китеп чыгаруучуларды салыктан бошотуу керектигин сунуштады.

— Кыргызстанда арак менен китептин салыгы бирдей. Бүт дүйнөдө китепке эч кандай салык төлөнбөйт. Бизде китепти которуп, чыгарып, китеп менен алек болгондор 12 пайыз кошумча нарк салыгын төлөшөт , — деди Сулайманов.

Ал ошондой эле, Маданият, маалымат жана туризм министринин орун басары Нуржигит Кадырбековду кийинки жыйынга бул маселе боюнча атайын сунуш менен келүүнү тапшырды.