Апрель элдик революциясынын расмий логотиби тандалды

2010-жылдагы Апрель элдик революциясынын расмий логотиби тандалды. Бул тууралуу Маданият, маалымат жана туризм министрлигинин коомчулук менен байланыш бөлүмү билдирди.

Элдик ыңкылаптын логотибин иштеп чыгуу боюнча министрликтин сынагы жыйынтыкталган. Сынакта Кыргыз Республикасынын маданиятына эмгек сиңирген ишмер, сүрөтчү Жаныш Жамурзаевдин эмгеги жеңүүчү болуп табылды.

Бул логотип революцияга арналган бардык расмий иш чараларда колдонулат.