Орусияда азербайжандык бир туугандар кыргыз жаранын тоноп кетишти

Орусияда Азербейжандын үч жараны кыргызстандыкты тоноп кетишти. Бул тууралуу жергиликтүү басылмалар жазып чыгышты.

Окуя 9-январь күнү Санкт-Петербург шаарында катталган. Анда таксист болуп эмгектенген кыргыз жаранын үч адам тоногон. Шектүүлөр Азербейжандын жарандары — үч бир тууган болуп чыкты.

— Алар таксиге буйрутма беришкен. Таксист келгенден кийин айдоочунун бетине газ баллондон газ чачышкан. 25 жаштагы кыргыз жаранынын 15 миң рублин, уюлдук телефонун жана банктык карталары менен документтерин алып кетишкен, — деп айтылат кабарда.

Көп өтпөй шектүүлөр колго түшүрүлүп, тергөө иштери башталган.