КСДПчы Кундуз Жолдубаевага дагы 4 кылмыш боюнча маалымдама берилди

КСДПнын расмий өкүлү Кундуз Жолдубаеванын дагы төрт кылмышка шектелгени боюнча маалымдама берилди. Бул тууралуу ал өзү маалымат каражаттарына билдирди.

Жолдубаеванын айтымында, ал курал-жарактарды басып алууга, тергөөгө тоскоолдук кылууга, адамды кооптуу абалда калтыруу жана ден соолукка зыян келтирүү беренелери боюнча шектелүүдө.

— Мага эми 7 кылмыш иши боюнча маалымкат топтолду. Дагы барымтага алуу, бийликти күч менен басып алууга аракет жасоо жана массалык башаламандык уюштуруу кылмыштарына шектелип жатам, — дейт ал.

Кундуз Жолдубаеванын мүлктөрү камакка алынганын билдирет. Сот анын баш коргоо чарасын карап, үй камагын тандаган.