Бишкекте белгисиз эки адам банк филиалын тоноп кетти

Бүгүн белгисиз эки адам Бишкектин Октябрь районунда Юнусалиев көчөсүндө жайгашкан банк филиалы тоноп кетти.

Бул тууралуу Октябрь райондун ички иштер башкармалыгынын маалымат кызматы кабарлады. Белгисиз эки адам банк филиалынын имаратына кирип барып, күзөтчүгө күч колдонуп, банктагы акчаны тоноп кеткен. Алар акчаны алып белгисиз тарапка качып кетишкен. Бул факты Октябрь райондук милициясында кылмыш жана жоруктардын бирдиктүү реестрине катталып, сотко чейинки өндүрүшкө алынган.

Милиция учурда кылмышка шектүүлөрдү табуу боюнча иш чараларды жүргүзүп жатат.