Биз менен байланышыңыз

«Мөөнөтү көрсөтүлбөгөн айдоочулук күбөлүктү Орусия тааныбайт»

Коноктор , Кыска кабар | 10 Окт 2019 | 121 | 0

Мамлекеттик каттоо кызматы жарактуу мөөнөтү көрсөтүлбөй калган айдоочулук күбөлүктөрдүн ээлерине жаңы үлгүдөгү күбөлүк алууну сунуштайт. Бул тууралуу аталган мекеменин жетекчисинин орун басары Айнура Туйбаева «Марал» радиосуна берген маегинде билдирди.

«2011-2012-жылдары берилген айдоочулук күбөлүктөрдүн жарактуу мөөнөтү көрсөтүлгөн эмес. Бирок эл аралык стандарттар боюнча, маселен, Орусияда мындай документ жараксыз болуп эсептелет. Андыктан, жарактуу мөөнөтү көрсөтүлбөй калган айдоочулук күбөлүктүн ээси 20-ноябрдан тарта жаңы күбөлүк алса болот.  Эгерде ага чейин алмаштырам десе, документтин баасы 1 жарым миң сомго чыгып кетет», — дейт Туйбаева.

Ал мөөнөтү көрсөтүлбөй калган айдоочулук күбөлүктөр Кыргызстандын аймагында жарактуу экенин айтты.

Жаңы үлгүдөгү айдоочулук күбөлүк качан берилери айтылды

Туйбаева белгилегендей, эл аралык үлгүдөгү айдоочулук күбөлүк китеп түрүндө 3 жылдык мөөнөт менен берилет.

«Пластик түрүндөгү айдоочулук күбөлүк — улуттук күбөлүк. Жарандар башка өлкөгө туруктуу жашаганы баратса, эл аралык үлгүдөгү күбөлүк колдонот. Бирок ал документ улуттук айдоочулук күбөлүксүз жараксыз болуп саналат», — дейт Туйбаева.

Белгилей кетсек, жарандар айдоочулук күбөлүк, транспорт каражаттарын каттоо маселелери боюнча 119 кыска номуруна байланышып, суроолорго жооп ала алышат. Чалуу акысыз.

Пикир калтырыңыз

Жооп жазуу

Сиздин e-mail дарегиңиз жарыяланбайт. Сөзсүз толтурулушу керек болгон боштуктар мындай белгиленген: *

Copyright © 2017 Maral FM