«Росинбанк» эми «Керемет Банк» болду

«Россия Инвестициялык Банкы» Ачык акционердик коому өз атын «Керемет Банк» деп расмий өзгөрттү. Бул тууралуу Улуттук Банктын маалымат кызматы билдирди.

Банк бул боюнча Юстиция министрлигинде мамлекеттик кайра каттоо жол-жобосунан өттү.

«Керемет Банк» ачык акционердик коомунун №049 лицензиясы, улуттук жана/же чет өлкө валютасында банктык операцияларды жүргүзүү укугуна берилген №049 лицензияга карата уруксат берилген банктык операциялар тизмеги 2019-жылдын 3-октябрында банктын өтүнүч катынын негизинде алмаштырылды.