Франция 2018-жылы 9,1 миллиард еврого курал-жарак саткан

Франция 2018-жылы 2017-жылга салыштырмалуу 30 %га көп, тагыраагы, 9,1 миллиард еврого курал-жарак саткан. Бул тууралуу Франциянын Коргоо министри Флорас Парли бүгүнкү жыйында билдирди.

Парли айымдын билдирүүсүнө караганда, бул акыркы жылдардагы эң жогорку көрсөткүч.

Франциянын башкы сатып алуучулары Индия, Сауд Аравия жана Катар өлкөлөрү болгон.