Парламент жаныбарларды идентификациялоо жөнүндө мыйзамды карайт

Парламенттин депутаттары бүгүн “Жаныбарларды идентификациялоо жөнүндө” мыйзам долбоорун карайт. Өкмөт тарабынан демилгеленген мыйзамдын долбоору бүгүн экинчи окууга киргизилет.

Бул тууралуу Жогорку Кеңештин расмий сайтында айтылат.

Жогорку Кеңеш бүгүнкү отурумунда ошондой эле, бюджеттик мыйзамдар чөйрөсүндөгү, Бюджеттик кодексине өзгөртүүлөрдү киргизүү, органикалык айыл чарба өндүрүшү, био отун, айыл чарба багытындагы жерлерди башкаруу, күрөө, мал чарбасындагы асылдандыруу иши жана жайыттар жөнүндө мыйзамдын долбоорлорун талкуулашмакчы.