Борбор калаада чоң 4 эс алуу паркы курулат

Борбор калаада бир катар жайларга эс алуу парктары курулат. Бул тууралуу Бишкек жашыл чарба муниципалдык ишканасынын директорунун орун басары Ырысалы Жаналиев «Марал» радиосуна берген маегинде билдирди.

Анын маалыматында, парктар Бишкек шаарындагы Түштүк магистраль көчөсүндө, Байтик баатыр көчөсүнүн жогору жагына экөө, Тынчтык проспектисинин Масалиев көчөсү менен кесилишине курулат.

-Быйыл чоң парктар курулат. Буйруса, долбоору түзүлүүдө. Кайсы жумушту ким аткара турганы аныкталат.

Кошумчалай кетсек, Башкы прокуратуранын өрттөнүп кеткен мурдагы имаратынын ордуна да сейил бак салынмакчы.