Эл аралык өнүктүрүү ассоциациясы менен болгон Гранттык макулдашууга өзгөртүүлөр киргизилет

Бүгүн, 7-февралда Кыргыз Республикасы менен Эл аралык өнүктүрүү ассоциациясынын ортосундагы Гранттык макулдашууга өзгөртүүлөрдү киргизүү жөнүндө Макулдашуу-Кат ратификацияланды. Мындай мыйзамга Президент Сооронбай Жээнбеков кол койду.

Макулдашуунун максаты — бардык райондук ооруканаларга жана баштапкы медициналык-санитардык жардамдын пилоттук уюмдарына Саламаттыкты сактоодогу Жыйынтыктардын негизинде каржылоо долбоорунун ишин кеңейтүү болуп эсептелинет.

Мыйзам расмий жарыяланган күндөн он күн өткөндөн кийин күчүнө кирет.