Корчубек Акназаровдун сөөгү Ала-Арча көрүстөнүндө жерге берилди

Көрүнүктүү мамлекеттик жана коомдук ишмер Корчубек Акназаровду акыркы сапарга узатылды. Маркумдун сөөгү Ала-Арча көрүстөнүндө жерге берилди.

Коштошуу зыйнатына президент Сооронбай Жээнбеков, Жогорку Кеңештин төрагасы Дастанбек Жумабеков, биринчи вице-премьер-министр Кубатбек Боронов, Жогорку Кеңештин депутаттары, Өкмөт мүчөлөрү, мамлекеттик органдардын жана күч структураларынын жетекчилери, маркумдун туугандары жана жакындары катышты.

Президент Сооронбай Жээнбеков Акназаровдун үй-бүлөсүнө жана жакындарына терең кайгыруу менен көңүл айтып, анын өмүр жолу, өрнөгү эчендеген жаш муундарга үлгү, чоң сабак болуп кала берерин белгиледи.