Биз менен байланышыңыз

Абылгазиев Түркия парламентинин төрагасы менен жолукту

Кыска кабар | 6 Дек 2018 | 691 | 0

Премьер-министр Мухаммедкалый Абылгазиев Түркия Парламентинин Спикери Бинали Йылдырым менен жолугушту. Бул тууралуу Өкмөттөн билдиришти.

Анда Абылгазиев эки өлкөнүн ортосундагы соода алмашуунун көрсөткүчү жогорулаганын белгиледи.

«Үстүбүздөгү жылдын 9 айынын жыйынтыгы боюнча, товар жүгүртүү көлөмү өткөн жылга салыштырмалуу 25%га өскөн жана 277 миллион долларды түзгөн. Мен бизде бул багытта мындан да мыкты ийгиликтерге жетишүү үчүн бардык мүмкүнчүлүктөр бар экендигине ишенем», — деди ал.

Түркия парламентинин төрагасы Бинали Йылдырым өлкөлөрдүн ортосундагы саясий өз ара аракеттешүүлөрдүн деңгээли жогору экенин айтты. Ошондой эле товар алмашуунун көрсөткүчү бул тармактагы кызматташууну бекемдөө зарылдыгын көрсөтүп турарын белгиледи.

Copyright © 2017 Maral FM