Кыргызстандын кайсы элчиликтери элчиси жок иш алып барат?

Кыргызстандын кайсы элчиликтери элчиси жок иш алып барары маалым болду. Бул тууралуу тышкы иштер министринин орун басары Динара Кемелова билдирди.

Анын айтымында, азыркы учурда Түштүк Корея, Индия, Япония, Өзбекстан, Малайзия жана Ооганстан жана Азербайжан мамлекеттеринде Кыргызстандын элчилери жок. Ооганстанда оор жагдайга байланыштуу элчи дайындала элек, бирок убактылуу ишенимдүү өкүлү бар. Ал эми Малайзия боюнча түшүндүрмө берилген эмес.

Төмөндө өлкөлөрдөгү мурдагы элчилердин ысымдары жана алардын кызматтан бошотулган датасы көрсөтүлгөн.

Өлкө	Элчи	Дата
Түштүк Корея	Кылычбек Султан	12-октябрь 2018
Индия	Самаргүл Адамкулова	7-март 2018
Япония	Чыңгыз Айдарбеков	17-октябрь 2018
Өзбекстан	Данияр Сыдыков	5-март 2018
Азербайжан	Айжигит Буранов	5-июнь 2017