Айыл чарба министрлигинде бир да техникасы жок

Айыл чарба, тамак-аш, өнөр жай жана мелиорация министрлигинде бир дагы техникасы жок. Мындай маалыматты министрдин орун басары Жаныбек Керималиев парламентте билдирди.

Химизация жана өсүмдүктөрдү коргоо департаментинде 10 белорусиялык трактор жана 11 Toyota Hilux чачыраткыч унаасы бар экенин, бул жылы ошолор менен чегирткелер жок кылынгандыгын белгиледи.

Депутат Мамытов 10 гана унаа менен Кыргызстанга жетиштүү эместигин белгилеп, министрликке текшерүү жүргүзүү керектигин айтты.