Кыргызстандагы беш имаратка стратегиялык статус берилди

Бишкекте президент Садыр Жапаровдун төрагалыгы астында өткөн Коопсуздук кеңешинин жыйынынын жыйынтыгында бир катар имараттар стратегиялык жайлардын тизмесине кирди.

Алар:

«Учкун» басмаканасы — улуттук паспорт сыяктуу маанилүү документтер басылып чыкчу жай;
Раззаков аэропорту — улуттук коопсуздукка түз тиешеси бар, Баткен эли үчүн маанилүү тиричилик объекти;
«Гознак» ЖЧКсы — мамлекеттик маанидеги документтерди даярдайт;
Башкы прокуратуранын маалыматтык автоматтык тутумдары жайгашкан имараттары — маалыматтык коопсуздукту камсыздоо зарыл;
Жалал-Абад шаарындагы учкучсуз учактар аэродрому.