Министр: Мугалимдердин айлыгы көтөрүлөт

Мугалимдердин айлыгы көтөрүлөт. Бул тууралуу Билим берүү жана илим министри Алмазбек Бейшеналиев «Маралга» берген маегинде билдирди.

«Маяна 3-5 эсе көтөрүлүп кетет дегенден алысмын. Жакшы мугалимдерди алып калууга жергиликтүү бийлик көбүрөөк көңүл бурушу керек. Жакын арада жакшы мугалимдерди тартуу үчүн талаш башталат. Учурда мыкты кадрларды алып калуу жагы оор. Бул багытта ЖОЖдордо тажрыйба бар: айрым университеттер мыкты мугалимдер үчүн айлыкты көбөйтүп беришкен. Мындай аракеттер жалпы мамлекеттик деңгээлде жүрбөй жатканы кейиштүү», — деди министр.

Ал өлкөдө мугалимдердин айлык акысы төмөн экенин белгилеп өттү.