Шайлоо-2020: АКШда 17 миллиондон ашык адам добуш берип бүттү

АКШда 17 млн 114 миң 300 адам алдын ала добуш берди. Бул тууралуу АКШ шайлоо долбоорунун мөөнөтүнөн мурда добуш берүү жөнүндө маалыматтарды чогулткан сайты жарыялады.

Флорида, Калифорния жана Техас эң эрте добуш берген аймактар ​​катары айырмаланып турат.

Флорида университетинин шайлоо боюнча адиси жана сайттын менеджери, профессор Майкл Макдоналд буга чейин: «Көптөгөн штаттарда эрте добуш берүүгө же почта аркылуу тапшырууга уруксат берүү — коронавирустун жаңы түрүнүн жайылышына чара көрүүнүн негизги фактору болот. Менимче, 150 миллион адам мөөнөтүнөн мурда добуш бериши мүмкүн», — деген.

Эгер Макдоналддын болжолдуу эсеби так чыга турган болсо, бул өлкөнүн шайлоочуларынын 65 пайызын түзүп, 1908-жылдан берки эң жогорку көрсөткүч катары катталат.

2016-жылдагы президенттик шайлоодо мөөнөтүнөн мурда 75 миң шайлоочу добуш берген.