Беларусияда ИИМдин сайты бузулуп, Лукашенкого издөө жарыяланды
Беларусиянын Ички иштер министрлигинин сайты 3-сентябрда кечинде ачылбай калды. «Наша Нива» жана «Белсат» телеканалы кабарлагандай, буга хакерлердин чабуулу себеп болгон. Белгисиз адамдар аталган министрликтин сайтына кирип, ал жерде президент Александр Лукашенко менен ички иштер министри Юрий Караевди издөө жарыялангандардын катарына жайгаштырып коюшкан. Андан кийин сайтка кирүү мүмкүнчүлүгү чектелген.
Тактап айтканда, сайтта Лукашенко менен Караев «Беларусия элине каршы аскерий кылмыштарга» айыпталып жатканы айтылган. Ошондой эле Лукашенкого «бийликти узурпация кылган» деп дагы айып тагылган.
Беларусиянын Ички иштер министрлигинин басма сөз катчысы Ольга Чемоданова «РИА Новости» сайтына хакердик чабуулга байланыштуу кырдаалды комментарийлеп, анда министрлик окуянын себептерин иликтеп жаткандыгын билдирген.
Андан бир күн мурун Беларусиянын президентинин аппаратынын сайты дагы хакердик чабуулга кабылган болчу.
Парламент төрагасы Нурланбек Шакиев фамилиясын өзгөртөт
Судья Бакирова депутат Алтынбеков аны далилсиз айыптаганын айтууда
27-декабрга карата аба ырайы тууралуу маалымат
Казакстандагы учак кырсыгы: Үч кыргызстандыктын абалы айтылды
Фамилияга «теги» мүчөсүн кошуу боюнча долбоор биринчи окууда колдоо тапты
Казакстандагы учак кырсыгы: Үч кыргызстандыктын абалы айтылды
Мамкурулуш: Быйыл 800гө жакын лицензия токтотулду
Казакстандагы учак кырсыгы: Эки кыргызстандык аман калганы маалымдалды
Садыр Жапаров Ильхам Алиевге учак кырсыгына байланыштуу көңүл айтты
