Патрулдук милициянын унаасы жол кырсыгына кабылды

Бишкекте Лермонтов жана Көлбаев көчөлөрүнүн кесилишинде Патрулдук милициянын унаасы катышкан жол кырсыгында эки адам жабыркады. Бул тууралуу маалыматты Бишкек комендатурасынан тастыкташты.

Маалыматка ылайык, кырсык таңкы саат 06:20ларда катталган. Анда Патрулдук милициянын Lada Priora унаасы менен «Мерседес Спринтер» кичи автобусу кагылышкан.

— Жол кырсыгынан эки унаанын айдоочусу− милиция кызматкери менен айдоочу жабыркаган. Алар экөө тең Бишкек травмотология жана илим изилдөө Улуттук борборуна жеткирилген. Учурда жол кырсыгынын келип чыгышы иликтенип жатат, — деп айтылат маалыматта.