Спортчулардын стипендиялары жогорулатылды

Премьер-министр Мухаммедкалый Абылгазиев «Өкмөттүн 2018-жылдын 23-ноябрындагы «Алдыңкы спортчуларга берилүүчү стипендиялар жөнүндө жобону бекитүү жөнүндө» токтомуна өзгөртүүлөрдү киргизүү тууралуу» токтомго кол койду. Бул тууралуу Өкмөттүк Аппараттын маалыматтык камсыздоо бөлүмү билдирди.

Бул токтом спортчулардын эл аралык мелдештерде жогорку натыйжаларга жетишкендиктери үчүн стипендия төлөп берүү мүмкүнчүлүгүн оптималдаштырууга багытталган.

Мунун натыйжасында:

Олимпиадалык резервдин өнүгүүсүнө өбөлгө түзүлөт;
Олимпиадалык жана Паралимпиадалык оюндарга катышуу линцензиясына ээ болгон спортчуларга стипендия берилет;
Спорттун сурдлимпиадалык түрлөрү боюнча Дүйнө чемпиондоруна жана байге ээлерине стипендия берилет;
Спорттун паралимпиадалык түрлөрү боюнча Дүйнө чемпионатынын жана Дүйнө кубогунун чемпиондоруна жана байге ээлерине стипендия берилет;
А категориясындагы эл аралык мелдештердин чемпиондоруна жана байге ээлерине стипендия берилет;

Жобого ылайык, стипендиялардын өлчөмдөрү жыл ичинде спортчулар көрсөткөн натыйжаларга жараша бюджеттин чегинде белгиленет жана стипендиаттарга ай сайын төлөнөт.

Стипендиялар спорттун олимпиадалык, паралимпиадалык, сурдлимпиадалык түрлөрү боюнча 7 категорияга, спорттун улуттук түрлөрү боюнча 3 категорияга жана спорттун олимпиадалык эмес түрлөрү боюнча 4 категорияга бөлүнөт.

1) Спорттун олимпиадалык, паралимпиадалык, сурдлимпиадалык түрлөрү:

— I категория — 75,0 (жетимиш беш) миң сом;

— II категория — 60,0 (алтымыш) миң сом;

— III категория — 50,0 (элүү) миң сом;

— IV категория — 40,0 (кырк) миң сом;

— V категория — 30,0 (отуз) миң сом;

— VI категория — 20,0 (жыйырма) миң сом;

— VII категория — 10,0 (он) миң сом;

2) Спорттун улуттук түрлөрү:

— I категория — 25,0 (жыйырма беш) миң сом;

— II категория — 20,0 (жыйырма) миң сом;

— III категория — 15,0 (он беш) миң сом;