Жалал-Абад шаарында мамлекеттик туу күнү белгиленди

Бүгүн, 3-мартта Жалал-Абад шаарында мамлекеттик туу жана ак калпак күнү белгиленди. Майрамдык салтанатта шаар мэри Мураталы Тагаев сөз сүйлөп, шаар тургундарын жана конокторун куттуктады.

“Баарыбызга маалым болгондой мамлекеттик туу бул ар бир мамлекеттин ыйык символу болуп эсептелинет. Ошол мамлекеттин эгемендигин тастыктап, даңазалап башкалардан өзгөчөлөнтүп турат. Кыргыз элим 1000 жылдардан бери өзүнүн улуттук жана саясий өзгөчөлүгүн белгилеп, өзүнүн көз карандысыздыгы үчүн кылымдар боюу күрөшүп келген”,-деди Мураталы Тагаев.

Майрамдык салтанат концерттик программа менен улантылды.