Израилдин Бейрутка урган соккусунан 11 адам каза таап, 23 тургун жарадар болду

Израилдин Ливандын борбору Бейрутка урган соккусунан 11 адам каза таап, 23 киши жарадар болгонун Sky News агенттиги кабарлады.

Израилдин 23-ноябрда таңга маал Бейрутка урган соккусуцнан Баста кичи районундагы сегиз кабаттуу турак жай толугу менен талкаланган. Ливандын Al Jadeed телеканалы тараткан кадрларда кеминде бир имарат талкаланып, анын айланасында дагы бир нече имараттар катуу жабыркаганын көрүүгө болот.

Израиль армиясы бул аптада чабуул алдында жергиликтүү тургундарды эвакуациялоону эскертпестен төртунчү ирет сокку урган. Кеминде төрт бомба ташталганын Reuters агенттиги кабарлады. Жардыруулар таңкы саат 4тө болгон.

Израиль Бейруттун түштүк четиндеги аба соккуларынан «Хезболланын» бир нече лидерин өлтүргөнун кабарлады. Израилдин аскерлери сентябрда ири чабуул баштагандан кийин Ливандын түштүгүндө Израил менен Хезболланын ортосундагы айыгышкан салгылашуулар уланууда.