Президент «Дастан Сити» турак жай комплексинин курулушу менен таанышты
Президент Садыр Жапаров 10-октябрда Бишкек шаарынын 11-кичи районунда курулуп жаткан «Дастан Сити» турак жай комплексинин курулушу менен таанышты.
Президенттин басма сөз кызматынан билдиришкендей, комплекс 2660 батирге ылайыкталган он жети кабаттуу 24 үйдөн турат.
Мамлекеттик ипотекалык компания менен түзүлгөн инвестициялык келишимдин алкагында ага жашоого толугу менен даяр абалда 500 батир берилет.
Маалыматка караганда, курулуш көп жыл бою кароосуз калган карьердин ордунда пайда болгон таштанды полигону жайгашкан жерде жүргүзүлүп жатат. Бул аймактан тонналаган таштанды чыгарылган.
Долбоорго турак үйлөр гана эмес, соода борбору, бизнес-борбор да кирет, жер алдындагы унаа токтотуучу жайлар каралган, балдар жана спорт аянтчалары, анын ичинде чоң футбол аянтчасы жана теннис корту, 280 орундуу бала бакчалары (ар бири 140 орундуу 2 бала бакча) бар турак жай комплекси болот.
Бүгүнкү күндө бир эле учурда 12 үй курулуп жатат, долбоордун аякташы 2028-жылга пландаштырылган.
Айрым маалыматтарда «Экспострой курулуш компаниясынын» кожоюндары Бишкектин экс-мэри Нариман Түлеевдин жакындары экени айтылат.
«Тулпар» картасы боюнча иликтөөгө президенттин басма сөз катчысы комментарий берди
Жаандан улам таш кулоо жана сел жүрүү коркунучу бар аймактар
Комузчу Закирбек Дүйшөнбек уулу Казакстанда «Маданияттын мыкты кызматкери» болду
Ош базарында дарыларды мыйзамсыз сатуу фактысы аныкталды
9 айда өлкөнүн тышкы жана өз ара соодасынын көлөмү $10,6 млрд түздү
«Тулпар» картасы боюнча иликтөөгө президенттин басма сөз катчысы комментарий берди
«Карточка алып коюу ушунчалык оорбу силерге?». Президент бишкектиктерге кайрылды
«Сосновка» жана «Кара-Көл» пункттарында кышкы дөнгөлөгү жок унаалар артка кайтарылат
Бишкектеги атышуу. Жабыркагандардын абалы тууралуу маалымат