Жумгалда мал кайтарып жүрүп жоголгон эки киши изделүүдө

Нарын облусунун Жумгал районундагы Өрнөк айылынын эки тургуну дайынсыз болуп жатканын Өзгөчө кырдаалдар министрлигинен кабарлашты.

Маалыматка караганда, 45 жаштагы К.Б. жана 2015-жылы туулган С.Б. аттуу тургундар мал кайтарууга жайлоого кетип, 16-октябрдан бери дайынсыз болгондугу тууралуу маалымат 20-октябрь күнү министрликикке билдирилген.

Жерине издөө иштерин жүргүзүүгө 20-октябрда ӨКМден 11 куткаруучу, ИИМден 12 кызматкер жана жергиликтүү тургундардан 60 адам, жалпы 83 адам тартылып, издөө жумуштарын аткарып, натыйжа болгон эмес.

Бүгүн, 21-октябрда жалпы 12 куткаруучу, ИИМден 20 кызматкер, жергиликтүү тургундардан 65 адам жалпы 107 адам тартылды.