Бишкекте 47,3 млн сомдук алдамчылыкка шектелгендер кармалды

Бишкекте өзгөчө ири өлчөмдөгү алдамчылыкка шектелген эки жаран кармалды. Бул тууралуу Бишкектин ички иштер башкармалыгынан кабарлашты.

Маалыматка караганда, жабырлануучу милицияга кайрылып, таанышы 1-май күнү Кытайдан унаасын кайра сатам деген шылтоо менен 47 миллион 303 миң сомун алып, изин жашырып кеткенин айткан.

Милиция Кылмыш-жаза кодексинин 209-беренеси (Өзгөчө ири өлчөмдө жасалган алдамчылык) боюнча кылмыш ишин козгоду.

Шектүүлөрдүн өздүгү такталып, 34 жаштагы К.Ш. жана 35 жаштагы С.И. кармалды. Алардын башка дагы кылмыштарды жасоого катыштыгы бар экени аныкталган.