Аба ырайы: Кар жаашы күтүлүүдө

31-декабрга караган түнү Талас, Жалал-Абад облустарынын көпчүлүк аймактарында, Чүй, Ош, Ысык-Көл, Нарын, Баткен облустарынын айрым жерлеринде кар жаашы мүмкүн.

Күндүз Чүй, Талас облустарынын көпчүлүк аймактарында, Ысык-Көл Нарын облустарынын айрым жерлеринде, Ош Жалал-Абад, Баткен облустарынын тоо этектеринде жана тоолуу райондорунда кар жаашы күтүлөт. 

Айрым жерлерде туман түшүшү мүмкүн. Жолдор тоңголок жана тайгак болот. Батыштан келген шамалдын ылдамдыгы секундасына 4-9 метрге жетет.

Абанын температурасы:

Чүй облусунда түнкүсүн -2…+3, күндүз +2…+7,

Талас өрөөнүндө түнкүсүн -2…-7, күндүз 0…-5,

Баткен, Ош, Жалал-Абад аймактарында түнкүсүн 0…-5, күндүз +2…+7,

Ысык-Көл облусунда түнкүсүн -4…-9, күндүз +1…+6,

Нарын облусунда түнкүсүн -16…-21, күндүз -1…-6.

Бишкек шаарында түнкүсүн бир аз кар жаашы мүмкүн, күндүз кар жаашы күтүлөт. Абанын температурасы 0…+2, күндүз +4…+6 градус болот.