Биз менен байланышыңыз

ИИМ: Токтогул ГЭСин кайтарган аскер шеригин атып салып качып кеткен

Кыска кабар | 21 Ноя 2023 | 106 | 0

Токтогул ГЭСин кайтарып жатып, шеригин атып салып, качып кеткен аскер кармалды. Бул тууралуу Ички иштер министрлигинин басма сөз кызматы билдирди.

Маалым болгондой, 20-ноябрь күнү саат таңкы 6:00 чамасында чыккан чатактан улам Токтогул ГЭС каскадынын автобазасында жайгашкан №1 постто кызмат өтөп жаткан катардагы аскер, 2002-жылы Бишкек шаарында туулган Б.У. чогуу кызмат өтөгөн катардагы аскер, 2003-жылы Ош облусунда туулган Т.С.ны атып салып, куралын алып качып кеткен.

Бул боюнча кылмыш иши козголуп, шектүүгө издөө жарыяланган. Ыкчам иликтөөнүн негизинде Б.У.нун Кара-Көл шаарындагы үйлөрдүн биринде жашынып жатканы аныкталган.

Атайын операцияга ИИМдин жана УКМКнын Жалал-Абад облустук башкармалыгынын, ИИМдин Ички аскерлеринин кызматкерлери катышып, сүйлөшүүлөрдүн натыйжасында шектүү бүгүн, 21-ноябрда саат 16:00 чамасында колго түшкөн. Ошондой эле куралы катып койгон жеринен алынган.

Учурда кармалган аскер Аскер прокуратурасына өткөрүлүп берилген. Тергөө жүрүп жатат.

Пикир калтырыңыз

Жооп жазуу

Сиздин e-mail дарегиңиз жарыяланбайт. Сөзсүз толтурулушу керек болгон боштуктар мындай белгиленген: *

Copyright © 2017 Maral FM