Экс-депутат Жаныбек Бакчиев камакка алынды

Жогорку Кеңештин мурдагы депутаты Жаныбек Бакчиев Улуттук коопсуздук мамлекеттик комитетинин тергөө абагына камакка алынды.

Бишкектин Биринчи май райондук сотунун 25-октябрдагы токтому менен Жаныбек Бакчиев 23-декабрга чейин УКМКнын тергөө абагына камакка алынды.

Маалым болгондой, экс-депутат Кылмыш-жаза кодексинин «Баңги каражаттарын, психотроптук заттарды жана алардын аналогдорун сатуу максатында мыйзамсыз даярдоо» беренеси боюнча айыпталууда. Мындай кылмыш үчүн 8 жылдан 12 жылга чейин эркинен ажыратуу жазасы колдонулат.

Жаныбек Бакчиев «Бир бол» фракциясынан Жогорку Кеңештин VI чакырылышындагы депутаты болгон.