31-августта Насирдин Исановдун 80 жылдык мааракеси өтөт

Министрлер кабинетинин төрагасы Акылбек Жапаров Ош облусуна болгон жумуш сапарынын алкагында биринчи премьер-министр Насирдин Исановдун 80 жылдыгына карата иш-чараларды даярдоо жана уюштуруу боюнча жыйын өткөрдү.

Жыйындын жүрүшүндө 31-августта Ош шаарында мамлекеттик ишмер Насирдин Исановдун 80 жылдык мааракесине карата масштабдуу иш-чаралар өтөрү айтылды.

Жапаров бардык иш-чара жогорку деңгээлде өтүшү керектигин белгиледи.

Андан ары Жапаров Транспорт жана коммуникациялар министрлигинин балансында турган шаардык автобекетти көрүп, анын абалын сынга алып, аны мэриянын карамагына өткөрүү мүмкүнчүлүгүн карап чыгууну тапшырды.