Төрөбаев быйыл 50гө жакын чакан ГЭС куруу керек экенин айтты

Министрлер кабинетинин төрагасынын орун басары Бакыт Төрөбаев Энергетика министрлигинин коллегиясынын жыйынына катышты. Анда Төрөбаев үстүбүздөгү жылы 50гө жакын чакан ГЭСтерди куруу зарыл экендигин белгиледи.

Мындан тышкары 2023-жылга коюлган ар бир иш план өз убагында аткарылуусун айтып, энергетика тармагын өнүктүрүүгө багытталган долбоорлорду кыска убакыттын ичинде ишке ашырууну тапшырды.

Энергетика министрлигинин маалыматына караганда, 2022-2023-жылдын күз-кыш мезгилинен ийгиликтүү өтүү үчүн 2023-жылдын 1-апрелине карата Токтогул суу сактагычынын көлөмүн 8,6 млрд м³ суу менен камсыздоо пландалууда.

Ошондой эле, быйыл 2,2 млрд кВтс чейин электр энергиясын импорттоо каралган.

Өлкө боюнча көмүрдүн керектөөсү – 2 996,6 миң тонна, күйүүчү мазуттуку– 48,5 миң тонна.