ИИМ: Эки күндө 43 жол кырсыгы катталып, 4 адам каза болду

Жыл башталгандан бери эки күн ичинде 43 жол кырсыгы катталып, 4 адам каза болду. Бул тууралуу Ички иштер министригинин басма сөз кызматы кабарлады.

ИИМдин ички иштер органдарынын жалпы кызматкерлери өлкө аймагында коомдук коопсуздукту жана жол кыймылынын коопсуздугун камсыздоо багытында иштерди улантууда.

Жалпысынан миңден ашык кайрылуу, билдирүү түшүп анын отуздан ашыгы катталды. Жол унаа кырсыктарынан 43 катталып, анын кесепетинен 4 адам каза болуп 68 адам ар кандай жаракаттарды алды. Оор жана өтө оор кылмыштар жок.

Жол кыймылынын коопсуздугун камсыздоо башкы башкармалыгынын башкармалык жана бөлүмдөрүнүн кызматкерлери тарабынан оор жол кырсыктарына алып келүүчү одоно жол кыймылынын эрежелеир бузуу, мас абалда унаа башкарган айдоочуларга карата катуу чаралар көрүлүүдө.