Салык кызматын өнүктүрүүнүн стратегиясы бекитилди

Мамлекеттик салык кызматын 2023-2025-жылдарда өнүктүрүүнүн стратегиясы бекитилди. Бул тууралуу аталган мекеменин маалымат кызматы кабарлады. 

Жаңы стратегия — адилеттүү салык системасын түзүү, көмүскө экономиканын үлүшүн азайтуу, салыктарды чогултууну жакшыртуу, салыктык башкаруунун ачыктыгын күчөтүү зарылдыгынан улам иштелип чыкты. 

Стратегияда бир катар натыйжаларга жетише турган 7 артыкчылыктуу багыт аныкталган:

– Санариптештирүү — маалыматтардын архитектурасын жана аналитиканы түзүү;

– Кардарларга болгон багытты жогорулатуу;

– Салыктык башкарууну модернизациялоо;

– Салык сабаттуулугун жана калктын маданиятын жогорулатуу;

– Ички жана тышкы органдар менен өз ара аракеттенүүнү түзүү;

– Кадрдык дараметти өнүктүрүү;

– Салык кызматынын беделин колдоо жана өнүктүрүү.