1-октябрда көпчүлүк аймакта жаан жаайт

Кыргызгидромет билдиргендей, 1-октябрда түнкүсүн көпчүлүк аймакта жаан жаап, тоолуу райондорго кар түшөт.

Күндүз Ош, Жалал-Абад, Баткен, Ысык-Көл, Нарын облустарынын көпчүлүк аймактарында, Чүй, Талас облустарынын айрым жерлеринде жаан, тоолуу райондордо кар жаайт. Кээ бир жерлерде жаан-чачын катуу жаайт.

Батыш тараптан келген шамалдын ылдамдыгы секундасына 4-9 метрден, күндүз айрым жерлерде 15-20 метрге чейин жетет.

Абанын температурасы:

Чүй өрөөнүндө түнкүсүн +1…+7, күндүз +11…+16,

Талас облусунда түнкүсүн 0…+5, күндүз +11…+16,

Ош, Жалал-Абад, Баткен облустарында түнкүсүн +9…+14, күндүз +17…+22,

Ысык-Көл облусунда түнкүсүн +3…+8, күндүз +10…+15,

Нарында түнкүсүн 0…+5, күндүз +9…+14,

Бишкек шаарында жаан жаашы мүмкүн. Абанын температурасы түнкүсүн +5…+7, күндүз +13…+15 градус болот.