Украинадагы согуштун алтынчы күнү: Окуялар тизмеги (фото)

Орусия Украинанын аймагына бастырып киргенден бери алты күн өтүп, бүгүн жетинчи күнгө өттү. Согуштун алтынчы күнү Орусия Харьков жана Киевге артиллериялык чабуулдарын арттырды.

Акыркы сааттарга алынган окуялар тизмеги:

Байден Америка аскерлери Украинага барбай турганын, бирок Европадагы НАТО мүчөлөрүн коргой турганын билдирди;
АКШ аба мейкиндиктерин Орусиянын учактары үчүн жапты;
ExxonMobil компаниясы «Сахалин-1» долбоорунан чыга турганын жарыялады;
Boeing Орусия авиакомпанияларына техникалык кызмат көрсөтүүлөрүн токтотту;
Канада Дмитрий Медведев, Сергей Собянин, Александр Беглов жана башка бир катар орусиялык таасирдүү инсандарга карата санкциялар киргизди;
Мордовия жетекчиси Артем Здунов Украинада каза тапкан полковник Виктор Исайкин тууралуу жарыялады;
Ford Орусиядагы иштерин токто турганын жарыялады;
160тан ашык Нобел сыйлыгынын лауреаттары Украинага карата агрессияны токтотуу талабын коюп, ачык катка кол коюшту.