Бөлтүрүк «Кумтөрдүн» убактылуу тышкы башкаруучулугунан кетти

Теңгиз Бөлтүрүк өз каалоосу менен «Кумтөр Голд Компанинин» убактылуу тышкы башкаруучусу кызматынан кетти. Аны кызматтан алуу буйругуна Министрлер кабинетинин төрагасы Акылбек Жапаров кол койду.

15-февралда Тенгиз Бөлтүрүк «Улуу көчмөндөрдүн мурасы» улуттук холдинг компаниясына жетекчи болуп дайындалган.

«Кумтөргө» убактылуу тышкы башкаруу киргизилип, Бөлтүрүк «Кумтөр Голд Компани» жабык акционердик коомунун тышкы башкаруучусу кызматына 2021-жылдын 18-майында келген.