Ош шаарынын туристтик логотиби тартылды (сүрөт)

Ош шаары өзүнүн саякат логотибин иштеп чыкты. Бул тууралуу мэриянын басма сөз кызматы билдирди.

Сынакка келип түшкөн эмгектердин ичинен Орусиянын жараны Михаил Чулиндин эскизи тандалып алынган. Логотиптеги айлуу түндө кербен тартып бараткан төөнүн фонуна Улуу Жибек Жолунун, Сулайман-Тоонун элеси түшүрүлгөн.

Мэрия сынактан жеңген дизайнерге 100 миң сомдук сертификат тапшырды.

Буга чейин шаардын туристтик логотибин иштеп чыгуу пландалып жатканы маалымдалган. Анүчүн атайын сынак жарыяланган.