«Түндүк электр» энергия пайдаланууга чектөө киргизди

Бишкек, Чүй жана Талас облустарын тейлеген “Түндүк электр” бөлүштүрүүчү компаниясы электр энергиясын колдонууга чектөө киргизгенин расмий билдирди.

Суу-энергетикалык ресурстарды сарамжалдуу пайдалануу жана электр энергиясын керектөөнүн белгиленген лимиттерин сактоо үчүн «Түндүк электр» ишканасы электр энергиясын керектөө боюнча эсептегичтерге лимит койду.

Ошентип, бир фазалуу абоненттер үчүн электр энергиясынын чеги 5 кВтка чейин, ал эми үч фазалуу абоненттер үчүн 10 кВтка чейин белгиленген.

Суроолор боюнча 1209, 0772 001209, 0702 001209, 0556 001209 телефондору аркылуу кайрылууга болот.