Бишкектеги Лев Толстой көчөсү оңдоо иштерине байланыштуу жабылат

17-октябрда Лев Толстой көчөсүнүн 7-апрель көчөсүнөн Достоевский көчөсүнө чейинки бөлүгү оңдоо иштерине байланыштуу жабылат. Бул тууралуу Бишкек мэриясынын басма сөз кызматы билдирди.

Маалыматка ылайык, Лев Толстой көчөсүн реконструкциялоо 2020-жылдын октябрь айында жүргүзүлгөн. Бул көчө дагы кепилдикте болгондуктан, жол куруучу компания өз эсебинен оңдоп берет.

Анкара көчөсү өтмөк үчүн альтернативдүү көчө.

Бишкек мэриясы келтирилген ыңгайсыздык үчүн кечирим сурап, айдоочулардан каттамды алдын ала пландап алууну суранат.