«Сапат» мекемеси «Алтын сертификат» алган бүтүрүүчүлөрү үчүн салтанат өткөрөт

«Сапат» билим берүү мекемеси быйыл жалпы республикалык тестирлөөдөн «Алтын сертификат» алган бүтүрүүчүлөрү үчүн салтанаттуу иш-чара өткөрөт.

Быйыл ЖРТдан өлкө боюнча жалпы 58 окуучу «Алтын сертификат» алган. Анын ичинде «Сапат» эл аралык билим берүү мекемесинин 10 бүтүрүүчүсү да бар.

Эртең, 1-июлда «Ала-Арча» мамлекеттик резиденциясында Президенттин «Алтын сертификат» тапшыруу салтанаты өтөт.

Буга удаа «Сапат» билим берүү мекемеси «Алтын сертификат» алган 10, жогорку балл алган 2 бүтүрүүчүсү катышкан салтанаттуу иш-чара уюштурат. Салтанатта лицейлердин директорлору, мугалимдер, ата-энелер куттуктоо сөздөрүн айтып, окуучуларга белектер берилет.

Иш-чара Бишкек шаарынын Масалиев көчөсү, 26 дарегиндеги «Юнайтед Ворд» эл аралык мектебинде саат 13:00дө болот.