Жапаров аскер кызматкерлерине сыйлык тапшырды
Президент Садыр Жапаров бүгүн, 21-июнда аскердик жана кызматтык милдеттерин аткарууда көрсөткөн эрдиги менен каармандыгы үчүн бир катар аскер кызматкерлерине мамлекеттик сыйлыктарды тапшырды. Бул тууралуу президенттин басма сөз кызматы билдирди.
Президент өз сөзүндө эл-жерге кызмат кылуу — кандайдыр бир сыйлыкка умтулуу эмес, өз өмүрүн, топтогон тажрыйбасын, болгон билимин Мекенге арнап, өлкөнүн өнүгүүсүнө салымын кошуу дегенди билдирерин баса белгиледи.
Садыр Жапаров Айкөл Манас баштаган ата-бабаларыбыздан берки баатырлардын тизмесинин аягы бүтпөстүгүн, бүгүнкү Ата Мекенди коргоочулар өлкө үчүн жан аябай кызмат кылууга даяр экенин айтты.
Жапаров ар бир жаранды бир максатты көздөп, биргеликте иш алып барууга чакырып, кыргызстандыктар учурдагы бардык кыйынчылыктарды ынтымак менен гана жеңип чыга аларын белгиледи.
«Кынтыксыз кызматыңар, кызматтык жана аскердик милдеттерди өтөөдөгү өлчөөсүз эрдигиңер келечек муунга үлгү болсун!», — деп сөзүн жыйынтыктады Жапаров.
Мал жандыктардын экспорту боюнча маалымат
Казакстандык дипломаттын жубайы 10 жылдан бери зомбулукка кабылганын айтып чыкты
7-майдын аба ырайы
«Комуз — кыргыздын үнү». Коомдук ишмерлердин, комузчулардын пикири кандай?
Психиатр Виктор Франклдын белгилүү эмгеги кыргызчаланды
Казакстан менен Орусия кумшекерди экспорттоого тыюу салды
Радио жана байланыш кызматкерлеринин күнү — сандар жана фактылар
Түнкү клубтарды жабуу маңзат менен күрөшүүнү жеңилдетеби?
Сузак окуясы: шалаакылык үчүн жергиликтүү жетекчилер жаза алды