Бишкекте көңүл ачуучу жана тамактануучу жайлардын иш убактысына чектөө киргизилди

Эпидемиологиялык кырдаалдын курчуп бара жатканына байланыштуу бүгүн, 17-июндан тарта Бишкекте көңүл ачуучу жайлар менен тамактануучу жайлардын ишине айрым чектөөлөр киргизилди.

Мындай чечим 16-июнда Бишкек мэриясында өткөн эпидемия жана эпизоотияга каршы комиссиясынын отурумунда кабыл алынган.

Бишкектеги түнкү клуб, ресторан, коомдук тамактануу жайларына, кафе, караоке жана барларга түнкү саат 23:00дөн 07:00гө чейин иштөөсүнө тыюу салынат. Ошол эле учурда тамакты алып кетүү менен жеткирип берүү кызматына чек коюлбайт.