Кыргызстанга 8 санитардык унаа алынып келинди
Бүгүн, 20-майда Ислам Өнүктүрүү банкынын «COVID-19 долбоорунун алкагында даярдыктарды көрүүгө жана жооп кайтарууга ыкчам колдоо» долбоорунун алкагында сатылып алынган 8 пикап тибиндеги автоунааны мамлекеттик санитардык-эпидемилогиялык көзөмөл кызматынын бөлүмдөрүнө жана райондор аралык борборлоруна тапшыруу аземи болуп өттү. Бул тууралуу Саламаттыкты сактоо жана социалдык өнүктүрүү министрлигинин басма сөз кызматы кабарлады.
Унааларды Министрлер кабинетинин төрагасынын орун басары Жылдыз Бакашова, Саламаттыкты сактоо жана социалдык өнүктүрүү министри Алымкадыр Бейшеналиев баштаган бир катар адамдар кабыл алды.
Саламаттыкты сактоо уюмдарынын материалдык-техникалык базасын чыңдоо максатында санитардык автооунаалар Ноокат, Ысык-Көл, Ала-Бука, Сокулук, Ысык-Ата, Жумгал жана Базар-Коргон райондорунун мамлекеттик санитардык-эпидемиологиялык көзөмөл кызматынын бөлүмдөрүнө жана райондор аралык борборлоруна өткөрүлүп берилди.
Буга чейин, Ислам Өнүктүрүү банкынын долбоорунун алкагында өлкө боюнча 10 модулдук вирусологиялык лаборатория куруу жана анализге алынган патогендик биоматериалдарды убагында ташып жеткирүүнү камсыздоо үчүн 15 автоунаа алуу пландаштырылган. Бүгүн анын 8 автоунаасы алынып келинди.
Эске салсак, былтыр декабрда 7 санитардык автоунаа тапшырылган.
Эртең Бишкекте белгилүү хирург Мамбет Мамакеев акыркы сапарга узатылат
УКМК төрагасына кол салууга шектелген жаран кармалды
Мобилдик тиркеме аркылуу акча которууда комиссия алуу убактылуу токтотулду
Президент Жапаров Австрияга расмий сапары менен барды
Токтогул суу сактагычында 12,8 млрд куб метр суу бар
Президент Акылбек Жапаровго жана бир катар министрлерге сөгүш жарыялады
Бишкек абасы булганган алдыңкы беш шаардын катарына кирди
Тогуз айда финансы секторундагы ишканалардын кирешеси 115 млрд сомдон ашты
Ноокаттын Көк-Жар айылында алты милиция пара алууга шек саналып кармалды
