«Кербен» аба майданы эл аралык статуска ээ болот

«Эти Бакыр Терексай» кыргыз-түрк ишканасы Жалал-Абад облусунда «Кербен» аба майданын кеңейтип, реконструкциялайт. Модернизациялоодон өткөндөн кийин Кыргызстанда дагы бир эл аралык  аэропорт пайда болот. Бул тууралуу «Манас» эл аралык аба майданынын маалымат кызматы билдирди.

Маалыматка ылайык, «Манас» эл аралык аба майданы менен «Эти Бакыр Терексай» ишканасынын ортосунда болгон биринчи сүйлөшүүлөр ийгиликтүү өттү. Жыйынтыгында, «Кербен» аймактык аба майданын реконструкциялоо жана кеңейтүү чечимдери келип чыкты.

Учурда «Эти Бакыр Терексай» ишканасынын «Кербен» аба майданын модернизациялоого түз инвестиция салуусу жана менчикти эрежесиз өзгөртүүгө болбой турган, эки тарапка тең пайдалуу шартта кызматташуунун жолдору тууралуу талкуу жүрүп жатат. Бул кызматташуунун жыйынтыгында, «Кербен» аба майданы ICAO эл аралык стандартка жооп берген, жакшыртылган жасалма учуп-конуучу тилкеге ээ болмокчу. Оңдоп-түзөөдөн өткөн аба майдан эл аралык макамын алууга мүмкүнчүлүгү болот.

«Эти Бакыр Терексай» жоопкерчилиги чектелген коому — бириккен кыргыз-түрк ишканасы, ал 2016-жылы «Терексай» зыяндуу руднигинин базасында түзүлгөн. Бириккен ишкананы 25% жана 75% үлүшү менен «Кыргызалтын» жана ири түрк «Cengiz Holding» конгломератына кирген түрк «Эти Бакыр» акционердик коомун түптөгөн.