Корея парламентинин төрагасы Кыргызстанга келди

Бүгүн, 3-апрелде Кореянын Улуттук жыйынынын төрагасы Пак Бёнг Сок Кыргызстанга расмий иш сапары менен келди. Бул тууралуу Жогорку Кеңештин басма сөз кызматы маалымдады.

Парламенттик делегацияны Жогорку Кеңештин төрагасынын орун басары Нурбек Сыдыгалиев «Манас» эл аралык аэропортунан тосуп алды.

Белгилей кетсек, 3-5-апрель күндөрү боло турган расмий сапардын алкагында бир катар жолугушуулар өтөт. Ошондой эле меймандар Ысык-Көл облусуна да барып, аймактын туристтик мүмкүнчүлүктөрү менен таанышат.