Нооруз-2021: Көк бөрү боюнча жарым финалдын жеңүүчүлөрү аныкталды

20-март күнү Чолпон-Ата шаарындагы ат майданда Нооруз майрамына арналган Көк бөрү боюнча Биринчи жана Жогорку лиганын командаларынын арасында 3-орун үчүн оюндар өттү. Бул тууралуу Жаштар иштери, дене тарбия жана спорт агенттиги кабарлады.

Маалыматка ылайык, Биринчи лигада «Бакубат Талас» командасы (Талас облусу) 3-орунду ээледи, ал эми Жогорку лиганын коло байгесинин ээси «Сары-Өзөн» командасы аталды.

Мындан тышкары, Жогорку лиганын командаларынын арасында 5-6-орундар үчүн оюн өттү. «Жаш Күч» командасы (Баткен облусу) атаандаштарын артка калтырып, Жогорку лигада калды. Ал эми 6-орунду ээлеген «Мурас» командасы (Ысык-Көл облусу) Биринчи лигага өттү.

Бүгүн, 21-мартта Чолпон-Ата шаарынын ат майданында көк бөрү, эр эңиш, салбуурун, ат чабыш боюнча финалдык мелдештер өтөт.

20-марттын жыйынтыктары:

3-4-орунга мелдеш (Биринчи лига);

«Бакубат Талас» [6:6] Сокулук, буллит эсеп: 3:0;

3-4-орун үчүн беттеш (Жогорку Лига);

Сары-Өзөн [5:4] Ала-Тоо;

5-6–орун үчүн беттеш (Жогорку Лига);

Жаш Күч [3:2] Мурас.

21-мартка карата программа:

09:00-10:00 – Эр эңиш;

10:00-11:30 – Көк бөрүнүн финалы, Жети-Өгүз – Кара-Буура (Биринчи лига);

11:30-13:30 – Ат чабыш;