«Жергиликтүү бийликтин ыйгарым укуктары кеңейтилет»

Экономикалык күчтүү долбоорлорду ишке ашырууда жергиликтүү бийлик өкүлдөрүнө толук укук берилет. Бул тууралуу Мамлекеттик кадр кызматынын директору Абдырахман Маматалиев «Маралга» берген маегинде билдирди.

Анын айтымында, учурда экономика, каржы, кадр маселесинде жергиликтүү бийлик алсызыраак. Президент Садыр Жапаровдун программасында жана кадр тандоо боюнча жарлыгында жергиликтүү бийликти күчтөндүрүү, аларга ыйгарым укуктарды берүү каралган.

Жергиликтүү бийлик күчтүү экономика менен алек болсо, сөзсүз өсөт. Аларга түздөн-түз инвестиция тартууга, жеке ишкерлер менен иштешүүгө мүмкүнчүлүк түзүлөт.